केज शहरात उपऱ्यांची मुजोरी चालणार नाही; पोलिसांनी माज उतरवावा, अन्यथा केजचे वतनदार मैदानात उतरणार!

केज / बीड (विशेष वृत्त):
बीड जिल्ह्यातील अत्यंत संवेदनशील मानल्या जाणाऱ्या केज शहराची अवस्था सध्या दिवसेंदिवस बिकट होत चालली आहे. संतोष देशमुख प्रकरणापासून सुरू झालेली अंतर्गत धुसफूस आता थेट उघड गुंडगिरीपर्यंत येऊन ठेपली आहे. राजकीय वरदहस्त लाभलेल्या आणि खेड्यापाड्यांतून शहरात आलेल्या उपऱ्यांनी केजमध्ये प्रचंड धुमाकूळ घातला असून, स्थानिक शांतताप्रिय जनतेला वेठीस धरण्याचे काम पद्धतशीरपणे सुरू आहे. कुणीही यावे आणि केज शहराची कायदा-सुव्यवस्था धाब्यावर बसवून टपली मारून निघून जावे, अशी विदारक परिस्थिती निर्माण झाली आहे.

राजकीय वरदहस्ताने उपऱ्यांचा प्रचंड धुमाकूळ

स्थानिक राजकीय सूत्रधारांच्या आश्रयाने तालुक्याबाहेरून आणि ग्रामीण भागातून आलेल्या काही उपऱ्या तत्त्वांनी शहरात स्वतःची समांतर सत्ता चालवण्याचा प्रयत्न सुरू केला आहे. या घटकांना स्थानिक प्रश्नांशी किंवा शहराच्या विकासाशी कोणतेही देणेघेणे नसून, केवळ राजकीय पोळी भाजणे आणि दहशतीचे वातावरण निर्माण करणे हाच यांचा मुख्य अजेंडा बनला आहे.
विरोधकांवर खोटे गुन्हे दाखल करण्याची भीती दाखवणे, शासकीय कामांमध्ये दबाव आणणे, आणि स्थानिक व्यापाऱ्यांसह सर्वसामान्य नागरिकांना धमकावणे यांसारख्या प्रकारांमुळे केज शहरात प्रचंड असंतोष खदखदत आहे.

सत्तेचा गैरवापर आणि आर्थिक गैरव्यवहारांची पाळेमुळे

भूतकाळात पालकमंत्री पदाच्या दबावातून डीपीसी (DPC) निधीची झालेली लूट, कामे न करता बोगस पद्धतीने निधी लाटणे आणि बोगस गायरान जमिनींवर कोट्यवधींचा पीकविमा उचलणे यांसारखे अनेक कारनामे झाले. मात्र, लोकसभेला खा. बजरंग सोनवणे यांच्या विजयानंतर आणि मंत्रिपदासह महत्त्वाची पदे हातातून निसटल्यानंतर संपूर्ण राजकीय समीकरणे उलटी फिरली आहेत.

पूर्वी पोलीस अधीक्षक, जिल्हाधिकारी, मुख्य कार्यकारी अधिकारी आणि जिल्हा शल्यचिकित्सक यांसारख्या महत्त्वाच्या पदांवर ‘होयबा’ अधिकारी बसवून आपली मनमानी चालवली जात होती. आता हे अधिकारी राजकीय दबावाबाहेर गेल्याने सत्ताधाऱ्यांचे मांडलिकत्व संपले आहे. या पराभवाच्या आणि सत्ता गेल्याच्या वैफल्यातूनच आता उपऱ्यांना पुढे करून शहरात अशांतता निर्माण केली जात असल्याचा आरोप स्थानिक नागरिक उघडपणे करत आहेत.

वैयक्तिक गुन्ह्यांना राजकीय रंग आणि आंदोलनांची नौटंकी

काही दिवसांपूर्वी घडलेल्या विलास घुले यांच्या हत्येच्या वैयक्तिक वादातील घटनेला हेतुपुरस्सर राजकीय रंग देऊन खासदार पुत्राचे नाव गोवण्याचा कट रचला गेला. साम, दाम, दंड, भेद या सर्व अस्त्रांचा वापर करत आंदोलनांचा विळखा घालून बीड जिल्ह्यात धुमाकूळ घालण्याचा प्रयत्न झाला. मात्र, जनतेला यामागचे कारस्थान लक्षात आल्याने आता यांचे सर्व डावपेच फोल ठरत आहेत.

सीडीआर (CDR) आणि अघोषित संपत्ती तपासा: थेट कारवाईची मागणी

स्थानिक जनतेने आता प्रशासनाला थेट प्रश्न विचारण्यास सुरुवात केली असून खालील मुद्द्यांवर कठोर कारवाईची मागणी केली आहे:
केजमध्ये धुमाकूळ घालणाऱ्या उपऱ्या गावगुंडांचे आणि त्यांच्या राजकीय सूत्रधारांचे कॉल डिटेल रेकॉर्ड्स (CDR) तात्काळ तपासले जावेत.
बेकायदेशीर कृत्ये करून आणि शासकीय निधी लाटून जमवलेली अघोषित कोट्यवधींची संपत्ती चौकशीच्या कक्षेत आणावी.
राजकीय वरदहस्ताच्या जोरावर सर्वसामान्यांवर खोटे गुन्हे दाखल करणाऱ्यांवर थेट कायदेशीर बडगा उगारला जावा.

पोलिसांनी वेळीच आवर घालावा, अन्यथा…

इतिहास सांगतो की राजे-महाराजे, मुघल आणि इंग्रजांची सत्ताही कायम राहिली नाही, मग आजच्या या मूठभर चमच्यांच्या जिवावर उड्या मारणाऱ्यांची मस्ती किती दिवस टिकणार? सत्तेच्या जहाजाला खिंडार पडल्यानंतर सोबतचेच लोक उडी मारून पळून जातात, याचे भान संबंधितांनी ठेवावे.
राजकीय आश्रयाने धुमाकूळ घालणाऱ्या या उपऱ्यांचा माज पोलिसांनी आता कायद्याचा बडगा दाखवून तात्काळ उतरवावा; अन्यथा या उपऱ्यांचा आणि गावगुंडांचा कायमचा बंदोबस्त स्थानिक वतनदार आपल्या पद्धतीने करतील, असा रोखठोक आणि सज्जड इशारा आता केजमधील जनतेतून दिला जात आहे.