चिंचोली माळीची लेक चमकली: पहिल्याच प्रयत्नात नेत्र चिकित्सक पदवी संपादन; गितांजली दळवेवर कौतुकाचा वर्षाव!

केज:चिंचोली माळी येथील मूळ रहिवासी तथा ‘दैनिक दिव्य लोकप्रभा’चे केज तालुका प्रतिनिधी महादेव दळवे यांची कन्या कु. गितांजली महादेव दळवे हिने नेत्र चिकित्सक (ऑप्टोमेट्री सायन्स) पदवी परीक्षेत पहिल्याच प्रयत्नात नेत्रदीपक यश संपादन केले आहे. विशेष म्हणजे शिक्षण पूर्ण होताच तिला नामांकित अशा रिलायन्स उद्योग समूहामध्ये नोकरीची संधी उपलब्ध झाली आहे.
शिक्षणाचा प्रवास:
प्राथमिक शिक्षण: केज येथील विवेकानंद शाळेत पूर्ण झाले.
माध्यमिक शिक्षण: वसंत महाविद्यालय, केज येथे पूर्ण केले.
उच्च शिक्षण: बारावी विज्ञान शाखेनंतर तिने पुणे येथील नामांकित डॉ. डी. वाय. पाटील महाविद्यालयात प्रवेश मिळवून ‘ऑप्टोमेट्री अँड व्हिजन सायन्स’ ही पदवी पहिल्याच प्रयत्नात यशस्वीरीत्या पूर्ण केली.
यशाचे श्रेय व कौतुक:
गितांजलीने आपल्या या यशाचे श्रेय तिचे आई-वडील, भाऊ, शिक्षक आणि दळवे परिवाराला दिले आहे. ग्रामीण भागातील विद्यार्थिनीने वैद्यकीय क्षेत्रात मिळवलेल्या या उत्तुंग यशामुळे व लगेच मिळालेल्या नोकरीमुळे सर्वत्र तिचे अभिनंदन व कौतुक होत आहे. या यशाबद्दल लवकरच पत्रकार बांधवांच्या वतीने तिचा विशेष सत्कार करण्याचे नियोजन केले जात आहे.