पद्मसिंह पाटलांशी दगाफटका ते ठाकरे घराण्याशी बेईमानी; खासदार ओमराजे निंबाळकरांवर विरोधकांचा थेट कौटुंबिक प्रहार; म्हणाले, “गद्दारी यांच्या खानदानातच!”
धाराशिव:-जिल्ह्यातील राजकीय नाट्य आणि कुरघोडीचे राजकारण आता अत्यंत वैयक्तिक आणि ऐतिहासिक आरोपांच्या पातळीवर पोहोचले आहे. शिवसेना (उद्धव बाळासाहेब ठाकरे) पक्षाशी प्रतारणा करत सत्ताधाऱ्यांशी हातमिळवणी करणाऱ्या खासदार ओमराजे निंबाळकर यांच्यावर स्थानिक पातळीवरून आणि निष्ठावंतांमधून टीकेची प्रचंड झोड उठवली जात आहे. “केंद्रीय मंत्रिपदाची लाचारी पत्करून गद्दारीचा कलंक पुसला जाऊ शकत नाही,” असे म्हणत विरोधकांनी निंबाळकर कुटुंबाच्या इतिहासाची पाने जाहीरपणे उघडली आहेत.
बापाने डॉ. पद्मसिंह पाटलांचा विश्वासघात केला!
टीकाकारांनी थेट ओमराजे निंबाळकर यांच्या कौटुंबिक राजकीय पार्श्वभूमीवर बोट ठेवत गंभीर आरोप केले आहेत. “ज्या काळात जिल्ह्याचे वजनदार नेते डॉ. पद्मसिंह पाटील यांनी पवनराजे निंबाळकर यांच्यावर अंधश्रद्धा ठेवून अख्खा जिल्हा त्यांच्या ताब्यात दिला होता, त्यांना कोणतीही अडकाठी केली नव्हती; त्याच विश्वासाचा गैरफायदा घेत त्यांनी स्वतःचा दबदबा निर्माण करण्याचा प्रयत्न केला. ज्यांनी राजकीय ताकद दिली, त्यांनाच शेवटी धोका देण्याचे काम निंबाळकरांच्या बापाने केले आणि त्यानंतर उस्मानाबादच्या राजकारणात मोठे कांड घडले,” असा घणाघात विरोधकांनी केला आहे.
अडचणीच्या काळात उद्धव ठाकरेंनी दिला होता आडोसा
पवनराजे निंबाळकर यांच्या निधनानंतर जेव्हा निंबाळकर कुटुंबाला जिल्ह्यात कुणीही दारात उभे करत नव्हते, तेव्हा शिवसेना पक्षप्रमुख उद्धव ठाकरे आणि ठाकरे घराण्याने त्यांना खंबीर पाठिंबा दिला.
दिलेली पदे: उद्धव ठाकरेंनी ओमराजे निंबाळकर यांना एकदा आमदारकी आणि सलग दोनदा खासदारकीची उमेदवारी देऊन राजकीयदृष्ट्या मोठे केले.
निष्ठावंतांचा सवाल: “ज्या उद्धव ठाकरेंनी संकटकाळात पितृतुल्य छत्र देऊन दोनदा खासदार केले, त्याच ठाकरे घराण्याशी ओमराजेंनी गद्दारी केली,” असा संताप शिवसैनिक व्यक्त करत आहेत.
“गद्दारी ही खानदानातच असते!”
सध्याच्या राजकीय बंडखोरीचा संबंध थेट भूतकाळातील घटनांशी जोडत स्थानिक नेत्यांनी अत्यंत तिखट शब्दांत हल्ला चढवला आहे. “बापाने ज्यांच्या जिवावर राजकारण केले त्या पद्मसिंह पाटलांना दगा दिला, आणि पोराने ज्यांनी शून्य असताना आमदार-खासदार केले त्या उद्धव ठाकरेंसोबत बेईमानी केली. न्यायालयातही यांचे कारनामे सिद्ध झाले आहेत. यावरून स्पष्ट होते की, सत्तेसाठी आणि पदासाठी गद्दारी करणे हा या खानदानाचा इतिहास आणि रक्तातच आहे,” अशी संतप्त प्रतिक्रिया राजकीय वर्तुळातून उमटत आहे.
या गंभीर आणि थेट आरोपांमुळे धाराशिव जिल्ह्यातील राजकीय वातावरण कमालीचे ढवळून निघाले असून आगामी काळात हा संघर्ष अधिक तीव्र होण्याची चिन्हे आहेत
क्रांतीसुर्य न्युज मधे आपले स्वागत आहे सर्व वाचकांना विश्वसनीय बातम्या देण्याचा आमचा प्रयत्न आहे प्रत्येक मताशी संपादक सहमत आसेल असे नाही जर कोणताही वाद विवाद उत्पन्न झाला तर तो सक्षम न्यायालय अंतर्गत आसेल
आपणही आपल्या परीसरातील बातम्यासाठी ९९२२२६८३७७ या व्हॉटसएप वर संपर्क साधा
जाहीराती साठी किंवा बातमी देण्यासाठी आर्थिक देवाण घेवाण करण्यासाठी अजिबात संपर्क करु नका
जर संपर्क केला तर कायदेशीर पने गुन्हा दाखल केला जाईल
