केज शहरात विनापरवाना मोर्चा/रॅली काढून दुकाने बंद पाडणाऱ्यांवर गुन्हा दाखल; अजय तांदळे महादेव मोरे यांच्यासह १५ ते २० जणांवर कारवाई

केज :-केज शहरात विनापरवाना मोटारसायकल रॅली काढून दहशत निर्माण करणे आणि व्यापाऱ्यांना जबरदस्तीने दुकाने बंद करायला लावल्याप्रकरणी केज पोलीस ठाण्यात सुमारे १५ ते २० जणांवर विविध कलमांन्वये गुन्हा दाखल करण्यात आला आहे.
काय आहे नेमकी घटना?
दिनांक १२ ऑगस्ट २०२६ रोजी सकाळी ११:०५ ते ११:३० वाजेच्या दरम्यान वकीलवाडी हनुमान मंदिर, केज समोर ही घटना घडली. संबंधित आरोपींनी केज शहरामध्ये विनापरवाना मोटारसायकल रॅली काढली. या रॅलीतील लोकांनी रस्त्यावर दहशत निर्माण करून शहरातील व्यावसायिक व दुकानदारांना दुकाने बंद करण्यास भाग पाडले.
शासकीय आदेश आणि नोटीसचे उल्लंघन:
पोलीस प्रशासनाने दिलेल्या माहितीनुसार, या रॅलीतील आयोजक व सहभागींना ११ ऑगस्ट २०२६ रोजीच भारतीय नागरिक सुरक्षा संहिता २०२३ च्या कलम १६८ अन्वये नोटीस बजावण्यात आली होती. तरीही या नोटीसचे उल्लंघन करण्यात आले. तसेच बीड जिल्हाधिकाऱ्यांच्या जमावबंदी आदेशाचे (जा.क्र.२०२६/गृह विभाग/प्र.कारवाई/१/१/मपोका १५१, दिनांक ०१/०८/२०२६) उल्लंघन करून ही रॅली काढण्यात आली होती.
गुन्ह्याचा तपशील:
गुन्हा रजि. नं.: ५१९/२०२६
कलम: ३५१(२), २२३ बीएनएस (BNS) सह कलम १३५ महाराष्ट्र पोलीस कायदा
फिर्यादी: शिवाजी भागवत कागदे (वय ३५ वर्ष, पो.अं. ७४, नेमणूक – पोलीस स्टेशन केज)
प्रमुख आरोपी: अजय अशोक तांदळे (रा. कोरेगाव, ता. केज), महादेव गंगाधर मोरे (रा. धारूर रोड, भवानीनगर केज), सदाशिव नामदेव आंधळे (रा. आंधळेवाडी), धरमसिंग दिलदारसिंग गोके, अमोल सुरवसे, सोनल देवकर, करण प्रमोद राऊत, दिनकर नेहरकर, संग्राम चाटे, मयुर गुंड, बळीराम नेहरकर, पवन अंधारे (मो.सा.क्र. MH.24.C.9366) आणि इतर १५ ते २० लोक.
या प्रकरणाचा पुढील तपास मपोह/१७९४ हानबते करत आहेत.