आ. नमिताताई मुंदडा यांचे खंदे समर्थक बाळासाहेब जाधव यांची भाजपच्या कोषाध्यक्ष पदी निवड

केजः- तालुक्यातील बनसारोळा येथील तंटामुक्ती अध्यक्ष श्री. बाळासाहेब विनायकराव जाधव यांची शनिवारी भारतीय जनता पक्षाच्या केज तालुका सरचिटणीस पदी निवड करण्यात आली. त्यांच्या निवडीबद्दल तालुक्यातील भारतीय जनता पक्षाच्या कार्यकर्त्यातून अभिनंदन केले जात आहे. अंबाजोगाई शहरातील आमदार नमिता मुंदडा यांच्या अंबाजोगाई येथील आई निवासस्थानी भाजपा पदाधिकाऱ्यांच्या निवडी संदर्भात जेष्ठ नेते नंदकिशोर मुंदडा, पनगेश्वर कारखान्याचे चेअरमन अक्षय मुंदडा, केज भाजप तालुकाध्यक्ष भगवान केदार यांच्या उपस्थितीत शनिवारी बैठक पार पडली. या बैठकीत बाळासाहेब जाधव यांना पक्षाच्या केज तालुका सरचिटणीस पदी निवड झाल्याचे नियुक्तीपत्र देण्यात आले. ना. पंकजा मुंडे, माजी खासदार डॉ. प्रितम मुंडे व आमदार नमिता मुंदडा यांच्या नेतृत्वाखाली भाजप पक्षाचे विचार समाजाच्या शेवटच्या घटकांपर्यंत पोहचवून पक्ष संघटन वाढीसाठी प्रामाणिक पणे काम करणार असल्याचे बाळासाहेब जाधव यांनी सांगितले. त्यांच्या निवडीचे तालुक्यातील भारतीय जनता पक्षाच्या कार्यकर्त्यातून अभिनंदन केले जात आहे.