वाल्मिक कराडच संतोष देशमख हत्येचा सुत्रधार, आरोपपत्रात उल्लेख, खंडणीमुळे काटा काढला

केज:-  राज्याला हादरवून टाकणाऱ्या संतोष देशमुख यांच्या हत्या प्रकरणामध्ये मोठी अपडेट समोर आली आहे. प्रकरणामध्ये १५०० पानांपेक्षा जास्त पानांंचं आरोपपत्र केजच्य न्यायालयामध्ये दाखल करण्यात आले आहे. यामध्ये वाल्मिक कराड हा नंबर वनचा आरोपी असल्याचं नमूद केलं आहे. आरोप पत्रामध्ये नेमकं काय ते सविस्तर जाणून घ्या.मस्साजोगचे सरपंच संतोष देशमुख यांच्या हत्या प्रकरणामध्ये मोठी बातमी समोर आली आहे. या प्रकरणामध्ये पाच गोपनीय साक्षीदारांच्या जबाबानंतर पोलिसांनी पुरावे गोळा करत खंडणी, अँट्रोसिटी आणि हत्या याचा आरोपपत्रामध्ये उल्लेख केला गेला आहे. संतोष देशमुखांना अमानुषपणे मारहाण केलेला व्हिडीओ सीआयडीच्या हाती लागला आहे. या आरोपपत्रामध्ये वाल्मिक कराड हा क्रमांक एकचा आरोपी असून संतोष देशमुखांच्या हत्येचा सूत्रधार एकच असल्याचं आरोपपत्रात म्हटलं आहे.

आरोपपत्रामध्ये नेमकं काय?
७ डिसेंबरला सुदर्शन घुले याने वाल्मिक कराडला फोन केला होता. जो तो उठेल आणि आपल्या आड येईल त्याला आपण सोडणार नाही, असं वाल्मिक कराडने सुदर्शन घुलेला सांगितलं. त्यानंतर ८ डिसेंबरला विष्णु चाटे, सुदर्शन घुले आणि एक गोपनीय साक्षीदार नांदुर फाट्यावरील हॉटेल तिरंगा येथे भेट झाली त्यावेळी विष्णु चाटेने सुदर्शन घुलेला वाल्मिक कराडचा निरोप दिला. संतोष देशमुख आडवा आला तर कायमचा धडा शिकवा, असा निरोप चाटेने घुलेला दिला. आमच्या मागण्या पूर्ण नाही केल्या तर काय परिणाम होतो हा संदेश इतरांना द्या, असंही सांगितलं गेलं. ९ डिसेंबरला दुपारी ३ वाजून २२ मिनिटांनी सुदर्शन घुले, कृष्णा आंधळे प्रतिक घुले, महेश केदार, जयराम चाटे, सुधीर सांगळे यांनी देशमुखांना उंबरी टोलनाका येथे अडवत त्यांचं अपहरण केलं. सुदर्शन घुले याच्या काळ्या रंगाच्या स्कॉर्पिओमधून त्यांना चिंचोली टाकळी या ठिकाणी घेऊन जात असताना मारहाण झाली. ३.३० ते ६.३० या तीन तासांमध्ये त्यांना अमानुषपण मारहाण झाली. ज्यावेळी सुदर्शन घुले हा मारहाण करत होता त्यावेळी जयराम चाटे याने एका व्हाट्सअँप ग्रुपवर केला होता. तोच पुरावा सीआयडीने महत्त्वाचा मानला आहे. या पुराव्याच्या आधारे गुन्हेगारांनी एकत्रित येऊन हा गुन्हा केला असल्याने वाल्मिक कराड याला क्रमांक १ चा आरोपी केला आहे.
सीआयडीच्या तपासात खंडणी, अँट्रोसिटी आणि हत्या या तिन्ही घटना एकत्रित करत पोलिसांनी ८० दिवसांत एकच आरोपपत्र दाखल केले आहे. या आरोपपत्रानुसार पहिल्या क्रमांकाचा आरोपी वाल्मिक कराड, विष्णु चाटे नंबर दोनचा आरोपी, तीन नंबरचा सुदर्शन घुले, चार नंबरचा प्रतिक घुले, पाच नंबरचा जयराम चाटे, सहा नंबरचा सुधीर सांगळे, सात नंबरचा सिद्धार्थ सोनवणे आणि आठ नंबरचा आरोपी हा फरार कृष्णा आंधळे आहे. आरोपींची क्रमवारी ही गुन्ह्यातील सहभागानुसार ठरवली गेली आहे.