जय हनुमान गणेश मंडळाच्या वतीने सारणी (आ) येथे रक्तदान शिबिर संपन्न

केज;-  केज तालुक्यातील सारणी (आ) येथील जय हनुमान गणेश मंडळाच्या वतीने वेगळा व सामाजिक उपक्रम हाती घेत गावात रक्तदान शिबिराचे आयोजन केले गेले होते या शिबिराचा शुभारंभ सरपंच संतोष (बप्पा) सोनवणे व उप सरपंच रवि बापू सोनवणे यांच्या हस्ते करण्यात आला.
गणेश उत्सवात सद्या डिजे कडे तरुणांचा मोठा ओढा आहे मात्र यामध्ये असेही काही तरुण व गणेश मंडळ आहेत ते आपली सामाजिक बांधिलकी जपत वेगवेगळे सामाजिक उपक्रम घेत असतात असाच उपक्रम केज तालुक्यातील सारणी (आ) येथील जय हनुमान गणेश मंडळाच्या वतीने सारणी येथे घेण्यात आला शनिवार दि.१४ रोजी सकाळी गावातील हनुमान मंदीरात रक्तदान शिबिर आयोजित करण्यात आले होते यामध्ये जवळपास २८ रक्तदात्यानी रक्तदान केले यावेळी गणेश मंडळाच्या वतीने रक्तदान करण्याऱ्या व्यक्तींना एक फळाचे झाड भेट देण्यात आले व हे झाड जपल्यास मंडळाच्या वतीने त्या रक्तदात्याना एक हजार रुपयाचे बक्षीस देखील देण्याचे यावेळी पदाधिकाऱ्यांनी सांगितले त्यामुळे झाड देऊन त्याचे संगोपन देखील करा असा सल्लाच यावेळी मंडळाच्या वतीने देण्यात आला.
यावेळी सारणी (आ) चे उप सरपंच रवि सोनवणे यांच्यासह अनेक रक्तदात्याणी रक्तदान केले. यावेळी मंडळाचे पदाधिकारी विशाल सोनवणे, सुसेन सोनवणे, अक्षय सोनवणे, यांचे सह अनेक तरुण यावेळी उपस्थित होते.