गेल्या कित्येक दिवसांपासून राज्यात मराठा आरक्षणाचा मुद्दा चर्चेत आहे. या आरक्षणाच्या मुद्द्यावरून राजकीय वर्तुळात आरोप-प्रत्यारोप झालेले पाहायला मिळाले आहेत. अशातच आता पुन्हा एकदा मराठा आरक्षणाचा मुद्दा चर्चेत आला आहे. मराठा आंदोलकर्ते मनोज जरांगे पाटील यांच्या मराठा आरक्षण शांतता रॅलीला आज हिंगोलीतून सुरुवात होणार असल्याची माहिती समोर आली आहे.
जरांगेंच्या शांतता रॅलीला आजपासून सुरूवात :
मनोज जरांगे आपल्या भूमिकेवर ठाम आहेत. त्यामुळे ते 13 तारखेनंतर भूमिका स्पष्ट करणार असल्याचं मनोज जरांगेंनी सांगितलं आहे. तसेच या दरम्यान, हिंगोलीमध्ये मनोज जरांगेंच्या स्वागताची देखील जय्यत तयारी करण्यात आली आहे. जरांगेंच्या या शांतता रॅलीला आज सुरूवात होणार आहे.
मनोज जरांगे पाटील हे मराठा आरक्षण जनजागृती आणि शांतता रॅली काढणार आहेत. जरांगे पाटील हे शनिवारी 6 जुलै ते 13 जुलैपर्यंत ही जनजागृती रॅली आणि शांतता रॅली काढणार आहेत. ही रॅली राज्यभरात टप्प्याटप्याने घेतली जाणार असल्याचे समोर आले आहे.
कसा असणार मनोज जरांगेंच्या रॅलीचा मार्ग
