“महाराजस्व शिबिराचा टप्पा क्र. १: भ्रष्ट मंडळधिकाऱ्यांविरुद्ध तक्रार करण्यासाठी केजमध्ये जनतेला मोठे व्यासपीठ!”

केज: महाराष्ट्र शासनाच्या महसूल व वनविभागामार्फत केज येथे ‘छत्रपती शिवाजी महाराज महाराजस्व समाधान शिबीर अभियान टप्पा क्र. १’ चे आयोजन करण्यात आले आहे. हे शिबीर शुक्रवार, दिनांक १५ मे २०२६ रोजी सकाळी ९.०० वाजता JK फंक्शन हॉल, नालंदा शाळेजवळ, केज येथे पार पडणार आहे.
महसूल कर्मचाऱ्यांच्या तक्रारींसाठी व्यासपीठ
या शिबिराचे मुख्य वैशिष्ट्य म्हणजे येथे उपस्थित राहून नागरिक आपल्या समस्या थेट मांडू शकतात. जर कोणाला केजमधील मंडळधिकारी किंवा इतर महसूल कर्मचाऱ्यांच्या भ्रष्ट कारभाराबाबत तक्रार करायची असेल, तर ते या कार्यक्रमात उपस्थित प्रमुख पाहुण्यांकडे आपली गाऱ्हाणी मांडू शकतात.
या शिबिरासाठी प्रमुख उपस्थिती म्हणून खालील मान्यवर उपस्थित राहणार आहेत:
• मा. श्री. बजरंग (बप्पा) सोनवणे (खासदार, बीड)
• मा. सौ. नमिताताई अक्षय मुंदडा (आमदार, केज विधानसभा)
• मा. श्री. विवेक जॉन्सन (जिल्हाधिकारी, बीड)
• व इतर वरिष्ठ महसूल अधिकारी
शिबिरात होणारी कामे
या अभियानांतर्गत अनेक प्रलंबित कामे मार्गी लावली जाणार आहेत, ज्यात प्रामुख्याने:
• विवादग्रस्त प्रकरणे निकाली काढणे.
• प्रलंबित फेरफार अदालत घेऊन ७/१२ वाटप करणे.
• अभिलेख दुरुस्ती आणि डिजिटल ७/१२ वाटप.
• विद्यार्थ्यांना दाखले वाटप, रेशन कार्ड (ई-शिधापत्रिका) आणि आधार कॅम्प.
भ्रष्टाचारी मंडळधिकारी किंवा कर्मचाऱ्यांमुळे ज्यांची कामे अडकली आहेत, अशा सर्व शेतकरी बांधवांनी आणि नागरिकांनी मोठ्या संख्येने उपस्थित राहून खासदार बजरंग बप्पा सोनवणे व उपस्थित महसूल अधिकाऱ्यांकडे आपल्या तक्रारी नोंदवाव्यात, असे आवाहन करण्यात येत आहे