“मैदान गाजणार, बॅट तळपणार! अक्षय (भैय्या) मुंदडा यांच्या वाढदिवसानिमित्त केजमध्ये रंगणार भव्य ‘आमदार चषक’!”

केज :-माजी मंत्री विमलताई नंदकिशोरजी मुंदडा यांचे सुपुत्र आणि तरुण नेतृत्व मा. श्री. अक्षय (भैय्या) नंदकिशोर मुंदडा यांच्या वाढदिवसाचे औचित्य साधून केजमध्ये भव्य ‘आमदार चषक २०२६’ खुल्या टेनिस बॉल क्रिकेट स्पर्धेचे आयोजन करण्यात आले आहे. ही स्पर्धा प्रामुख्याने केज विधानसभा मतदार संघातील शहरी व ग्रामीण खेळाडूंसाठी मर्यादित असणार आहे.

स्पर्धेचा तपशील आणि पारितोषिके
या स्पर्धेचे उद्घाटन १३ मे २०२६ रोजी सकाळी १० वाजता पंचायत समिती मैदान, केज येथे होणार आहे. स्पर्धेतील विजेत्या संघांसाठी आकर्षक बक्षिसे ठेवण्यात आली आहेत:
• प्रथम पारितोषिक: TVS RAIDER मोटार सायकल.
• द्वितीय पारितोषिक: ५१,००० रुपये रोख.
• याशिवाय इतर वैयक्तिक आकर्षक बक्षिसेही देण्यात येणार आहेत.

स्पर्धेचे नियम व स्वरूप

स्पर्धा शिस्तबद्ध पद्धतीने पार पडण्यासाठी आयोजकांनी काही महत्त्वाचे नियम जाहीर केले आहेत:
• स्पर्धेत शहरी आणि ग्रामीण असे दोन स्वतंत्र गट असतील.
• शहरी गटामध्ये केज, अंबाजोगाई आणि नेकनूर सर्कलचा समावेश असेल.

• ग्रामीण गटासाठी प्रत्येक गावाचा एकच संघ पात्र असेल आणि खेळाडूंना आधारकार्ड व मतदान कार्ड सोबत ठेवणे अनिवार्य आहे.
• प्रत्येक सामना ८ षटकांचा असेल आणि गोलंदाजीसाठी थ्रो पद्धतीवर बंदी (Ban) घालण्यात आली आहे.
• स्पर्धेसाठी प्रवेश शुल्क २९९९ रुपये इतके निश्चित करण्यात आले आहे.

आयोजक व नियोजन
या भव्य क्रीडा महोत्सवाचे आयोजन सुनील (भाऊ) घोळवे, अक्षय (भैय्या) मित्र मंडळ आणि आदरणीय नंदकिशोर मुंदडा युवा प्रतिष्ठान, केज यांच्या वतीने करण्यात आले आहे. यासोबतच तालुक्यातील विविध क्रिकेट क्लब आणि मित्र परिवाराने या स्पर्धेच्या यशस्वीतेसाठी पुढाकार घेतला आहे.
अधिक माहिती किंवा नाव नोंदणीसाठी खेळाडूंनी प्रमोद मस्के, झहीर हाफिसाब, प्रकाश मुंडे किंवा किरण सारुक यांच्याशी संपर्क साधण्याचे आवाहन करण्यात आले आहे