तिरंगा फडकवला मानाने, श्रद्धांजली वाहिली प्रेमाने; केजकरांनी जपल्या दिवंगत तहसीलदार राकेश गिड्डे यांच्या स्मृती

केज: महाराष्ट्र दिनाचे औचित्य साधून केज शहरात विविध ठिकाणी ध्वजारोहण सोहळे अत्यंत उत्साहात पार पडले. या कार्यक्रमांमध्ये हास्य क्लबच्या सदस्यांनी सक्रिय सहभाग नोंदवला. तसेच, केजचे दिवंगत तहसीलदार राकेश गिड्डे यांना श्रद्धांजली वाहण्यासाठी विशेष शोकसभेचे आयोजन करण्यात आले होते.
विविध संस्थांमधील ध्वजारोहण सोहळा:
• पोलीस स्टेशन, केज: सकाळी ठीक ७:०० वाजता पोलीस स्टेशनच्या परिसरात ऊनऊने साहेब यांच्या हस्ते ध्वजारोहण करण्यात आले. यावेळी पोलीस दलातील सर्व अधिकारी आणि कर्मचारी मोठ्या संख्येने उपस्थित होते.
• कृषी उत्पन्न बाजार समिती: सकाळी ७:३० वाजता बाजार समितीच्या प्रांगणात उपसभापती वासुदेव नेहरकर यांच्या हस्ते तिरंगा फडकवण्यात आला. या प्रसंगी सभापती अंकुशराव (अण्णा) इंगळे आणि बाजार समितीचे कर्मचारी उपस्थित होते.
• वैद्यनाथ बँक: सकाळी ७:४५ वाजता वैद्यनाथ बँकेच्या शाखेत बँकेचे संचालक प्रवीण देशपांडे यांच्या हस्ते झेंडावंदन संपन्न झाले. यावेळी बँकेचा सर्व कर्मचारी वर्ग हजर होता.
• तहसील कार्यालय: सकाळी ८:०० वाजता तहसील कार्यालयाच्या मुख्य शासकीय ध्वजारोहण सोहळ्यात प्रभारी तहसीलदार भंडारे साहेब यांच्या हस्ते ध्वजारोहण करण्यात आले.
दिवंगत तहसीलदार राकेश गिड्डे यांना श्रद्धांजली:
शासकीय ध्वजारोहण सोहळ्यानंतर तहसील कार्यालयाच्या वतीने एका विशेष शोकसभेचे आयोजन करण्यात आले होते. केजचे दिवंगत तहसीलदार राकेश गिड्डे यांना यावेळी भावपूर्ण श्रद्धांजली अर्पण करण्यात आली. त्यांच्या प्रशासकीय कार्याचे आणि योगदानाचे स्मरण करत हास्य क्लबचे सदस्य, विनोद शिंदे प्रविण देशपांडे गिन्यादेव गदळे सर हनूमंत भोसले सर दादा जमाले पाटील सुर्यकांत चवरे रामहरी नाना गूंड अभिजीत सत्वधर गणेश तपसे दादा राऊत आनिल सत्वधर व शासकीय अधिकारी आणि उपस्थित जेष्ठ नागरिक सुरेश तात्या पाटील प्रकाश सेठ भन्साळी किसन दादा कदम व इतर दिवंगत तहसिलदार राकेश गिड्डे त्यांना विनम्र अभिवादन केले.