Uncategorized
लोकनेते अजितदादा पवार यांना जयंतीनिमित्त सोनीजवळा सरपंच सौ. जानवी ससाणे यांच्याकडून अभिवादन!
'कामाचा माणूस' अजितदादा पवार यांना जयंतीदिनी शतशः नमन: सौ. जानवी गोविंद ससाणे
केज/सोनीजवळा:-महाराष्ट्राच्या राजकारणात आणि समाजकारणात आपल्या कर्तृत्वाचा अजरामर ठसा उमटवणारे, जनमानसातील लाडके नेते आणि ‘कामाचा माणूस’ म्हणून ओळखले जाणारे महाराष्ट्राचे उपमुख्यमंत्री तथा अर्थमंत्री अजितदादा पवार यांच्या जयंतीनिमित्त सोनीजवळा येथील सरपंच सौ. जानवी गोविंद ससाणे यांनी त्यांना शतशः नमन करत भावपूर्ण आदरांजली अर्पण केली.
दादांचा वक्तशीरपणा, कडक शिस्त आणि दिलेला शब्द कोणत्याही परिस्थितीत पाळण्याची वृत्ती ही राजकीय व सामाजिक क्षेत्रात काम करणाऱ्या सर्वांसाठीच खूप मोठी शिकवण आहे, असे मत सरपंच सौ. जानवी ससाणे यांनी व्यक्त केले.
तळागाळातील घटकांसाठी अखंड कार्य
अजितदादांच्या नेतृत्वाचा गौरव करताना सौ. जानवी ससाणे म्हणाल्या की,
“तळागाळातील शेवटच्या घटकापर्यंत विकासाची गंगा पोहोचवण्यासाठी दादांनी आयुष्यभर अखंडपणे काम केले आहे. राज्याचे उपमुख्यमंत्री आणि अर्थमंत्री म्हणून त्यांनी महाराष्ट्राला गतिमान आणि दूरदृष्टी असणारे खंबीर नेतृत्व दिले. महाराष्ट्राच्या सर्वांगीण विकासात दादांचा नेहमीच सिंहाचा वाटा राहिला आहे.”
